საპარლამენტო უმრავლესობის წევრი, დიტო სამხარაძე Facebook-ის პირად გვერდზე სტატუსს აქვეყნებს, სადაც საუბრობს დემოკრატიის პრინციპებზე და საქართველოსთვის, გეოპოლიტიკური თვალსაზრისით, პოზიტიურ გავლენად აშშ-ში საპრეზიდენტო არჩევნების კონკრეტული შედეგით დასრულება მიაჩნია:
,,დონალდ ტრამპის გამარჯვება, ამერიკის საპრეზიდენტო არჩევნებში, ერთადერთი შანსია, ომი დასრულდეს და საქართველოს ომში ჩათრევის მცდელობებიც შეწყდეს, რაც, სამწუხაროდ, გლობალური ომის პარტიის გეგმებში არ შედის!
ფარა დემოკრატიააო, გამჭვირვალობის კანონი დემოკრატიის უკუსვლაო, კაპიტოლიუმის შენობაში შეჭრილი ქალბატონის მკვლელობა დემოკრატიააო, საქართველოში პარლამენტის დარბევაში მონაწილეს და ქართველი პოლიციელების თავდამსხმელის, მოლოტოვის კოქტეილის მსროლელი ნაძირალას დაპატიმრება დემოკრატიის უკუსვლაო, თბილისის ციდან ბომბების ცვენა ევროპასთან დაახლოებააო, მშვიდობა და ქვეყნის სუვერენიტეტის დაცვა ანტიევროპული ქმედებაო!
მაინტერესებს ფაშისტი ლიბერალები, საარჩევნო კამპანიის დროს, ამერიკის პრეზიდენტობის კანდიდატზე თავდასხმას რა კვალიფიკაციას მიანიჭებენ?
ტრამპის ლიკვიდაციის მცდელობა გამაოგნებელი ფაქტია, რა არის დემოკრატიის უკუსვლა, თუ არა არჩევნებში მონაწილე კანდიდატის მკვლელობა!”, – წერს დიტო სამხარაძე.
ავტორი
ნინი ხიჯაკაძე
