,,სტრატეგია აღმაშენებლის” წევრი ანა მოსაშვილი პოლიტიკური პლატფორმა “ერთიანობა საქართველოს გადარჩენისთვის” პრეზენტაციაზე სიტყვით გამოსვლისას საუბრობს ერთიანობის მნიშვნელობაზე:
,,ერთიანობით ვხედავ მომავლის საქართველოს სადაც თითოეულ ჩვენგანს შეუძლია ჩვენი ნიჭით, შრომით და დამსახურებით მივაღწიოთ წარმატებას;
სადაც თითოეულ ადამიანს აქვს თავისუფალი განვითარების და ღირსეული ცხოვრების შესაძლებლობა;
სადაც ჩვენ, ახალგაზრდებს გვაქვს როგორც ქვეყნის შიგნით ასევე მის ფარგლებს გარეთ, საუკეთესო განათლების მიღების შესაძლებლობა;
სადაც ჩვენს მშობლებს აქვთ ღირსეული სამუშაო, ჩვენს ბებიებს და ბაბუებს ღირსეული სიბერე, ღირსეული პენსია და ხელმისაწვდომი ჯანდაცვა და სოციალური პირობები;
სადაც საქართველოს მოქალაქეები არიან არა იზოლაციაში, რომელსაც „ქართული ოცნება“ უმზადებს, არამედ ამაყობენ ჩვენი ეროვნებით მთელს ევროპაში;
სადაც ხალხი იღიმის, ბედნიერია და არ დარდობს ხვალინდელ დღეზე.
ასეთია ჩემთვის მომავლის საქართველო და მგონია, ეს არ გამოვა თუ ჩვენ მთელს ენერგიას დავხარჯავთ ერთმანეთის დაპირისპირებაზე და არ ვიპოვით მთავარს რაც გვაერთიანებს.
ამიტომ ჩემი და ჩვენი, ახალგაზრდების უდიდესი მოტივაცია და სურვილია დავინახოთ რეალური ერთიანობა.
ერთად საქართველოსთვის!
ერთად ცვლილებებისთვის!
ერთად გამარჯვებისთვის!“, – განაცხადა ანა მოსაშვილმა.
ავტორი
მარიამ ხაჩირაშვილი
