თბილისის სახელმწიფო სამხატვრო აკადემიის ყოფილი ვიცე-რექტორი, “ნაციონალური მოძრაობის” ყოფილი წევრი, მიხეილ სააკაშვილის აქტიური მხარდამჭერი, მაია ორჯონიკიძე მოკლულ ახალგაზრდა ფეხბურთელს, გიორგი შაქარაშვილს და ბოლო პერიოდში გარდაცვლილ სხვა ახალგაზრდებს იხსენებს:
“მამარდაშვილთან, ქოჩორაშვილთან და კვარაცხელიასთან ერთ ყმაწვილურ გუნდში თამაშობდა ეს ანგელოზი ბიჭი და ვინ იცის, დღეს როგორ ასახელებდა თავის ქვეყანას ევროპულ ასპარეზზე🙁 როგორი ბედნიერი, ამაყი და ლაღი იქნებოდა გიორგიც, მისი მშობლებიც და ჩვენ ყველანი…
არ დააცალა სიცოცხლე ვერაგმა და დაუსჯელობის სინდრომით გაჟღენთილმა გარემომ, სადაც ყოველი ფეხის ნაბიჯზე საუკეთესო, უნიჭიერესი ახალგაზრდები იღუპებიან: ნიკო კვარაცხელია, თამარ ბაჩალიაშვილი, ვაკის შადრევანში მოკლული მარიტა, წყნეთის სკვერში ასევე დენით მოკლული ულამაზესი ყმაწვილი, ლუკა სირაძე, თემირლან მაჩალიკაშვილი, დათუნა სარალიძე, შოვში ჩახოცილი ბავშები და უამრავი სხვა ნაადრევად შეწყვეტილი ნორჩი სიცოცხლე💔
არ დავივიწყებთ, არ გაპატიებთ ყმაწვილების ამ მასობრივ მკვლელობებს“, – წერს ფეისბუქის პირად გვერდზე მაია ორჯონიკიძე.
