“ჩინეთის მიერ უარის თქმა ქართველი დევნილების დაბრუნებაზე თავის საცხოვრებელ ადგილებში, სინამდვილეში ნიშნავს, რომ ის არც ჩვენს სუვერენიტეტს სცემს პატივს და არც ტერიტორიულ მთლიანობას” – პაატა მანჯგალაძე

საქართველოს საკითხთან დაკავშირებით, კერძოდ ოკუპირებულ ტერიტორიებზე დევნილების დაბრუნებასთან დაკავშირებით მომზადებულ რეზოლუციას მსოფლიოს 100-ზე მეტმა სახელმწიფომ დაუჭირა მხარი, რომელთა შორისაც არ იყო ჩინეთი. აღნიშნულთან დაკავშირებით მწვავე შეფასებები გააკეთა პარტია “სტრატეგია აღმაშენებლის” გენერალურმა მდივანმა, პაატა მანჯგალაძემ:

“ნუ ატყუებთ ხალხს! ჩინეთის მიერ უარის თქმა ქართველი დევნილების დაბრუნებაზე თავის საცხოვრებელ ადგილებში, სინამდვილეში ნიშნავს, რომ ის არც ჩვენს სუვერენიტეტს სცემს პატივს და არც ტერიტორიულ მთლიანობას.

ეს არის იმ მავნებლური ანტიქართული, ანტიეროვნული პოლიტიკის პირდაპირი მტკიცებულება, რომელსაც “ქართული ოცნება” ატარებს სინამდვილეში.

არანაირი უსაფრთხოება და სუვერენიტეტის დაცვა არ არსებობს აშშ-ს და ევროპის მხარდაჭერისა და ჩართულობის გარეშე.

კი ევროპას! არა რუსულ რეჟიმს!” – განაცხადა მანჯგალაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს