“უნდა შეგვეძლოს კოორდინაცია იმ საკითხზე, რაც ეხება ერთიანი სიების გაკეთებას. იმიტომ, რომ ამას უბრალოდ ალტერნატივა არ აქვს” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი სასამართლო პროცესზე სიტყვით გამოსვლის დროს, პოზიციას აფიქსირებს ,,ქართულ ქარტიასთან” დაკავშირებით და კონკრეტულ შეთავაზებებს აჟღერებს:

,,ერთიანი ნაციონალური მოძრაობა” ჩემი მხარდაჭერით, მათ შორის, ხელს მოაწერს სალომე ზურაბიშვილის ,,ქართულ ქარტიას”. ჩვენ ვართ ერთიანობის მომხრე. ჩვენ მთლიანად ვუჭერთ მხარს ამ ქარტიის სულისკვეთებას. მათ შორის, ძალიან მნიშვნელოვანია, რომ მაქსიმალური რაოდენობის პოლიტიკური ძალები შეუერთდნენ.

ჩვენ უნდა შეგვეძლოს კოორდინაცია ერთიან საპრეზიდენტო კანდიდატთან დაკავშირებით. ასევე უნდა შეგვეძლოს კოორდინაცია იმ საკითხზე, რაც ეხება ერთიანი სიების გაკეთებას. იმიტომ, რომ ამას უბრალოდ ალტერნატივა არ აქვს”, – აცხადებს მიხეილ სააკაშვილი.

ავტორი
ნინი ხიჯაკაძე