“აქციაზე გატარებული თითოეული წამი არის საქართველოს წინსვლისა და გამარჯვებისათვის, რომელსაც აუცილებლად მივაღწევთ!” – ამირან ნატრიაშვილი

,,სტრატეგია აღმაშენებლის” ახალგაზრდული ორგანიზაციის ერთ-ერთი ლიდერი, ამირან ნატრიაშვილი, სააგენტო ,,პარალელთან” ინტერვიუში შეფასებას აკეთებს ქვეყანაში მიმდინარე პოლიტიკურ პროცესებთან დაკავშირებით:

,,საქართველოს ისტორიაში უმნიშვნელოვანესი გეოპოლიტიკური თუ შიდაპოლიტიკური პროცესები დაიძრა. გამარჯვება არის ძალიან ახლოს! ქართველი ხალხი აუცილებლად გაიმარჯვებს.

ასე შეკრული და მთლიანი ქართველი ერი არასდროს ყოფილა დამოუკიდებლობის აღდგენის შემდგომ. მაშინ, როდესაც ჩვენს ქვეყანაში ჩამოდიან და მშვიდობიან პროტესტანტებს თანადგომას უცხადებენ ევროკავშირისა და NATO-ს წევრი ქვეყნების დიპლომატები, ეს არის ჩვენი გამარჯვების კიდევ ერთი საწინდარი.

მთავარი ბრძოლა წინაა, სადაც აუცილებლად გავიმარჯვებთ. სწორედ ამაზე მიუთითებს ,,ქართული ოცნების” ქმედებები, რაც ჰგავს იმ ხელისუფლების მოქმედებას, რომელმაც იცის, რომ ის უკვე დამარცხდა.

არ უნდა დაგვავიწყდეს ჩვენი უცხოელი დიპლომატების განცხადებებიც, რომლებმაც გვითხრეს, რომ ,,ისტორის სწორ მხარეს ვდგავართ და ყველაფერს გააკეთებენ ჩვენი დახმარებისთვის”.

და რაც მთავარია, არ უნდა დაგვავიწყდეს ილიას, აკაკის და სხვა ჩვენი კალმით მებრძოლთა სიტყვები, რომლებმაც ახალ ისტორიაში დაიწყეს რუსული ავრორიტარიზმისა და დიქტატურის წინააღმდეგ ბრძოლა.

ახლა არ არის დაღლის და მოდუნების დრო, აქციაზე გატარებული თითოეული წამი არის საქართველოს წინსვლისა და გამარჯვებისათვის, რომელსაც აუცილებლად მივაღწევთ!”, – განაცხადა ამირან ნატრიაშვილმა.

ავტორი
ნინი ხიჯაკაძე