სტუდენტური მოძრაობა ,,ნაბიჯის” წევრი დავით დანელია სააგენტო ,,პარალელთან” კომენტარს აკეთებს საპროტესტო აქციებზე ახალგაზრდების ერთიანობასთან დაკავშირებით და ამ პროცესებში პოლიტიკოსების როლის შესახებ:
-
თქვენი აზრით რამ გამოიწვია ამდენი ხნის განმავლობაში ასეთი შეუპოვარი ბრძოლა ახალგაზრდების მხრიდან?
– პირველ რიგში სამშობლოს სიყვარულმა, იმ გმირების ღვაწლია, რომ სამშობლო აქამდე მოიყვანეს, შეგვინარჩუნეს და მოგვიტანეს, ამდენი ბრძოლისა და მტრის მიუხედავად შეინარჩუნეს. რუსეთი არის ჩვენი მტერი, ამას ადასტურებს ისტორია და ჩვენ არ გვაქვს უფლება, რომ უკან დავიხიოთ და არ გავაგრძელოთ ჩვენი გმირების მონაპოვარი, არ გავაგრძელოთ ის, რის გამოც იბრძოდნენ ჩვენი გმირები და ზუსტად ამან გაგვაერთიანა. ეს 1 თვე და 5 დღე არ არის მხოლოდ, რამდენი დღეც არ უნდა დასჭირდეს, იმდენი დღე ვიქნებით და ვიბრძოლებთ, სისხლის ბოლო წვეთამდე, სანამ საქართველო არ გაიმარჯვებს!
-
რა არის თქვენი მოთხოვნა პოლიტიკოსების მიმართ? თქვენი აზრით რა არის საჭირო ოპოზიციონერი პოლიტიკოსებისგან, რომ პროცესები უკეთესად წარიმართოს ?
– მეტი სიმტკიცე, მეტი გამჭრიახობა, მეტი ბრძოლაც და ის ტვირთი უნდა ჩამოიხსნან, რაც ზურგზე აქვთ და უნდა დადგნენ ქართველი ხალხის გვერდში პირველ რიგში, არიან კიდევაც და მაქსიმუმი თავისი საშუალების… ბირთვია, გვაძლიერებს, მათ აქვთ უდიდესი გამოცდილება და ეს გამოცდილება ახალგაზრდებს ეხმარებათ და აუცილებლად ერთად შერწყმით დავამარცხებთ ამ რუსულ კანონს და რუსულ რეჟიმს.
ავტორი
მარიამ ხაჩირაშვილი
