საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის პროფესორი, ბეჟან ჯავახია Facebook-ის პირად გვერდზე ისტორიულ პარალელს ავლებს საქართველოს ახლო წარსულთან:
,,ქოცებო, წელს 100 წელი გადის 1924 წლის აჯანყებიდან, როდესაც რუსულმა კომპარტიის წევრებმა ათასობით ადამიანი დახვრიტა, რომელმაც წინააღმდეგობა გაუწია ბოლშევიკურ რეჟიმს…
თქვენ კი დააბრუნეთ, ასი წლისთავზე ტერმინები: უცხო ქვეყნის გავლენის აგენტი, ხალხის მტერი, რადიკალები, ევროპის გავლენისგან თავდაცვა, თუ ამერიკელი ოკუპანტები…
და ისევ გაჩნდნენ ქვეყანაში სიკვდილის ბრიგადები, დასმენები, დაშინებები…
წითელი ტერორი, რომელიც დაიწყო, ის ვერ განმეორდება ასი წლისთავზე…”, – წერს ბეჟან ჯავახია.
ავტორი
ნინი ხიჯაკაძე
