7-9 მარტის საპროტესტო აქციების მონაწილის, ლაზარე გრიგორიადისის საქმეზე სასამართლომ გადაწვეტილება გამოაცხადა და ბრალდებულს 9-წლიანი პატიმრობა მიუსაჯა. ლაზარეს ოჯახის წევრებმა და უფლებადამცველებმა პრეზიდენტს შეწყალების თხოვნით მიმართეს. აღნიშნულთან დაკავშირებით შეფასებები გააკეთა პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა:
,,როგორ შეიძლება ,,მოლოტოვის კოქტეილის” სროლა წახალისდეს, ხალხო?! ეს რა გზავნილია ჩვენი საზოგადოების წინაშე, რომ საზოგადოებას თვალში ნაცარს ვაყრით და პირდაპირ ვეუბნებით, რომ ,,მოლოტოვის კოქტეილი შეგიძლიათ ესროლოთ პოლიციელს, მეხანძრეს, ნებისმიერ პირს, რომელიც წესრიგს იცავს?!”.
თუ ამის წახალისება სურს პრეზიდენტად წოდებულ თანამდებობის პირს, რა თქმა უნდა, ის იქნება ამ კამპანიის ავანგარდში. ის გადადგამს ამ ნაბიჯს, ამას ექნება, ასევე, შესაბამისი მკვეთრი რეაქცია.
იცოდეს მანაც [პრეზიდენტმა, სალომე ზურაბიშვილმა] და სხვებმაც, რომ ,,მოლოტოვის კოქტეილების” წახალისება, პოლიტიკური დანაშაულია და ეს არის დაუშვებელი”, – განაცხადა ანრი ოხანაშვილმა.
ავტორი
ნინი ხიჯაკაძე
