საპარლამენტო პოლიტიკური ჯგუფის ,,გირჩის” თავმჯდომარე, იაგო ხვიჩია ჟურნალისტებთან კომენტარს აკეთებს ,,ქართული ოცნების” მიერ განმეორებით დაინიცირებულ ,,უცხოური გავლენის გამჭვირვალობის შესახებ” კანონპროექტთან დაკავშირებით:
,,ჩემი აზრით, ამ საკანონმდებლო ცვლილების შემოტანა ახლა არის ,,ნაცების” გამარჯვების აღიარება. იმიტომ, რომ ,,ქართული ოცნების” ტაქტიკამ, დისკუსიები გადასულიყო ჩხუბში, ვერ გაამართლა ლგბტ თემაზე, იქედან გამომდინარე, რომ ,,ნაცები” ამას არ აყვნენ და მხოლოდ დამცინავი იუმორით შემოიფარგლებოდნენ.
დღესაც, დაახლოებით იგივე ამბავია – შემოტანილია ეს კანონი იმისთვის, რომ ჩხუბი ატყდეს პარლამენტში და ,,ქართულმა ოცნებამ” კომფორტულ გარემოში იგრძნოს თავი. იმიტომ, რომ ქართული დისკუსიები არ არის ,,ოცნებისთვის” კომფორტული გარემო.
შესაბამისად, მე მოვუწოდებ ოპოზიციას, ,,ნაც. მოძრაობას”, ალეკოსაც, ყველას, რომ ჩვენ არ ავყვეთ ამ პროვოკაციას იმიტომ, რომ ეს არის პროვოკაციული ცვლილება, რათა გამოიწვიოს ჩხუბი და არა საქმიანი დისკუსიები.
და მე მოვუწოდებ ქართველ ხალხს, რომ კარგად დაიმახსოვროს ის, რასაც ახლა აკეთებს ,,ქართული ოცნება”. როგორ უკან მიაქვს ის ქართველი ხალხის ნაშრომი, რომელიც ქართველმა ხალხმა გასულ წელს გამოიმუშავა. 26 ოქტომბრამდე უნდა მივიტანოთ ეს გაბრაზება, რაც სრულიად სამართლიანად, დღეს აქვს ქართველ ხალხს”, – განაცხადა იაგო ხვიჩიამ.
ავტორები
ნინი ხიჯაკაძე
ალექსანდრე ლეჟავა
