“ნავალნის მკვლელობა კიდევ ერთხელ აჩვენებს, რაოდენ მნიშვნელოვანია მიხეილ სააკაშვილის სწრაფი და დროული გათავისუფლება საპატიმრო დაწესებულებიდან” – გიორგი ვაშაძე

საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე ჟურნალისტებთან კომენტარში, რუსი ოპოზიციონერი პოლიტიკოსის ალექსეი ნავალნის გარდაცვალების ფაქტიდან გამომდინარე, მიხეილ სააკაშვილის პატიმრობიდან გათავისუფლების აუცილებლობაზე საუბრობს:

,,ნავალნის მკვლელობამ კიდევ ერთხელ დაანახა მთელ ცივილიზებულ სამყაროს, პუტინის რეჟიმმა როგორ დაასამარა დემოკრატია და როგორ გათელა ფეხქვეშ ნებისმიერი თავისუფალი აზრის გამოხატულება.

პირდაპირი პარალელია ნავალნის პატიმრობასა და მიხეილ სააკაშვილის პატიმრობას შორის. ამას არ ვამბობ მე. ამას ამბობს და აჭრელებულია მთელი საერთაშორისო მედია ამ საკითხთან დაკავშირებით.

ნავალნის მკვლელობა კიდევ ერთხელ აჩვენებს, რაოდენ მნიშვნელოვანია მიხეილ სააკაშვილის სწრაფი და დროული გათავისუფლება საპატიმრო დაწესებულებიდან’’, – განაცხადა გიორგი ვაშაძემ.

ავტორი
მარიამ ხაჩირაშვილი