“პაციენტის მდგომარეობა, რა თქმა უნდა, გაუმჯობესებულია, სტაბილურია მისი სასიცოცხლო პარამეტრები” – ზურაბ ჩხაიძე მიხეილ სააკაშვილზე

სამედიცინო ცენტრ ,,ვივა მედის” კლინიკური დირექტორი, ზურაბ ჩხაიძე კომენტარს აკეთებს საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით:

,,პაციენტის მდგომარეობა, რა თქმა უნდა, გაუმჯობესებულია. სტაბილურია მისი სასიცოცხლო პარამეტრები – ჰემოდინამიკური თუ რესპირატორული მაჩვენებლები.

თუმცა, პაციენტი სუბიექტურად მაინც აღნიშნავს გარკვეული ხასიათის ჩივილებს, რაც ძირითადად გამოიხატება ზოგად სისუსტეში, პერიოდული ხასიათის ტკივილებს აღნიშნავს – კუნთების და სახსრების არეში.

პაციენტს უტარდება სრულფასოვანი, თანამედროვე გაიდლაინების შესაბამისი მკურნალობა“, – განაცხადა ზურაბ ჩხაიძემ.

ავტორი
მარიამ ხაჩირაშვილი