“მე მინდა ძალიან დიდი მადლობა გადავუხადო ბატონ ირაკლი ღარიბაშვილს, პირველ რიგში, მეგობრობისთვის და მერე სხვა ყველაფრისთვის. ეს ადამიანი არის ჩემთვის ძვირფასი” – რატი ბრეგაძე

იუსტიციის მინისტრი, რატი ბრეგაძე ჟურნალისტებთან კომენტარს აკეთებს პარტია ,,ქართულ ოცნებაში” მიმდინარე საკადრო ცვლილებებთან დაკავშირებით:

,,პირველ რიგში, მინდა დიდი წარმატება ვუსურვო ბატონ ირაკლი კობახიძეს ახალ პოზიციაზე. ასევე, მინდა დიდი წარმატება ვუსურვო ბატონ ირაკლი ღარიბაშვილს ახალ პოზიციაზე. ეს ორივე პოზიცია არის საკმაოდ დიდი პასუხისმგებლობის და შესაბამისად, მხოლოდ და მხოლოდ წარმატებას ვუსურვებ. რა თქმა უნდა, მთელი გუნდი ვართ სრულ მზადყოფნაში, იმისთვის, რომ ამ ორივე ადამიანს მაქსიმალურად დავუდგეთ გვერდით.

მე მინდა ძალიან დიდი მადლობა გადავუხადო ბატონ ირაკლი ღარიბაშვილს, პირველ რიგში, მეგობრობისთვის და მერე სხვა ყველაფრისთვის. ეს ადამიანი არის ჩემთვის ძვირფასი და ჩემთვის ძვირფასი არის მეგობრობა. მე ძალიან მიყვარს ჩემი ყველა მეგობარი, ვამაყობ მეგობრებით და მადლიერებას გამოხატვა უნდა, ეს არის აუცილებელი.

რაც შეეხება მთავრობის მომავალ შემადგენლობას, გიპასუხებთ, რომ ამ საკითხებზე, პირველ რიგში, ისაუბრებს პრემიერ-მინისტრობის კანდიდატი, ეს არის დადგენილი წესი და მე არასოდეს გადავსულვარ რომელიმე წესს“, – განაცხადა რატი ბრეგაძემ.

ავტორები:
ალექსანდრე ლეჟავა
მარიამ ხაჩირაშვილი