ევროკავშირის ელჩი საქართველოში, პაველ ჰერჩინსკი ჟურნალისტებთან განცხადებას აკეთებს, 2024 წლის არჩევნებსა და საქართველოში სადამკვირვებლო მისიების გამოგზავნასთან დაკავშირებით:
,,თავისუფალი და სამართლიანი არჩევნები, ერთ-ერთია ევროკომისიის მიერ დადგენილი და ევროკაშირის წევრი ქვეყნების მიერ შეთავაზებული 9 ნაბიჯიდან, როგორც ძალიან მნიშვნელოვანი ელემენტი, რომელზე დაკვირვებაც ძალიან ყურადღებით მოხდება.
ვიცი, რომ საქართველოს მთავრობამ უკვე აიღო ვალდებულება ეუთო ოდირს რომ სთხოვოს გრძელვადიანი დაკვირვება. ვიცი, რომ ევროკავშირის ყველა წევრი სახელმწიფო მხარს უჭერს ამას.
ეუთოს წევრი ქვეყნების შემთხვევაში, ეუთო არის პასუხისმგებელი გრძელვადიან დაკვირვებაზე, მაგრამ ევროკავშირის წევრ სახელმწიფოებს შორის მიმდინარეობს განხილვა იმასთან დაკავშირებით, თუ როგორ არის შესაძლებელი ევროკავშირმა, ასევე, მიიღო მონაწილეობა არჩევნებზე გრძელვადიან დაკვირვებაში.
კიდევ ერთხელ მსურს ხაზი გავუსვა, რომ დიდი ყურადღებით მივადევთ თვალყურს არა მხოლოდ თავად არჩევნებს და არა მხოლოდ საარჩევნო დღეს, არამედ მთლიანად საარჩევნო კამპანიას. გულწრფელად იმედი გვაქვს, რომ იქნება თანაბარი საარჩევნო გარემო და ყველა პოლიტიკურ პარტიას ექნება საკმარისი სივრცე იმისთვის, რომ წარადგინონ თავიანთი პროგრამები და უპირველეს ყოვლისა არ იქნება ძალადობა, რადგან ძალადობა არის აბსოლუტურად მიუღებელი, ნებისმიერ დემოკრატიულ ქვეყანაში’’, – განაცხადა პაველ ჰერჩინსკიმ.
ავტორი
მარიამ ხაჩირაშვილი
