“სულ რაღაც 1 წელი გვჭირდება და ჩვენ საზოგადოებას ინფორმაციას ღიად მივაწვდით” – პაატა მანჯგალაძე ადამიანის უფლებების დარღვევებზე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს Human Rights Watch-ის ანგარიშის შესახებ საქართველოსთან მიმართებაში, კერძოდ ადამიანის უფლებების დარღვევის ნაწილში ხელისუფლების გადაწყვეტილებასთან დაკავშირებით:

,,ერთობლიობაში უნდა დავინახოთ – მოსმენების კანონი, სახელმწიფო ინსპექტორის სამსახურის გაუქმება, ასევე, მედიასთან მიმართებაში მთელი რიგი რეგულაციები, ეს ყველაფერი უნდა დავინახოთ ერთობლიობაში. ეს არ იყო შემთხვევითი ფაქტები, ეს იყო ერთიანი ჯაჭვი, ერთმანეთთან იყო სინქრონიზებული და ჩვენ ამის მტკიცებულებებს შევქმნით.

სულ რაღაც 1 წელი გვჭირდება და ჩვენ ამაზე საზოგადოებას ინფორმაციას ღიად მივაწვდით. ჩვენ ვნახავთ, რომ დიახაც, რუსული სპეც-სამსახურები, ფარცხალაძის მსგავსი ადამიანებით, როგორ ახდენდნენ გავლენას საქართველოს ეროვნულ ინტერესებზე’’, – განაცხადა პაატა მანჯგალაძემ.

ავტორი
მარიამ ხაჩირაშვილი