საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ევრორეკომენდაციების შესრულების პროცესთან დაკავშირებით:
,,სამუშაო ჯგუფი ყოველთვის იყო ფიქცია და წელიწადნახევარმა დაადასტურა, რომ ეს იყო ფიქცია, მაგრამ ვინაიდან მაინც არსებობდა საზოგადოების გარკვეულ ნაწილში აზრი, რომ – ,,აი თქვენ, რომ არ მონაწილეობთ, ამის გამო, რაღაცა ვერ აწია გირა ირაკლი კობახიძემ’’, შევეცადე, ვფიქრობდი, რომ აი ამ გირის აწევაში, თუ მართლა უნდოდა, სურვილი ჰქონდა ამის, სიმძიმის აწევაში მივხმარებოდით, მაგრამ ჩვენ ძალიან კარგად ვიცოდით, რომ სინამდვილეში მათ არ უნდოდათ არანაირი სამუშაო ჯგუფები’’, – განაცხადა პაატა მანჯგალაძემ.
ინფორმაციისთვის: ევრორეკომენდაციების შესრულების მიზნით, მმართველი პარტიის მხრიდან დაანონსებული სამუშაო ჯგუფების შექმნის საკითხი გაურკვეველია. გავრცელებული ინფორმაციით საპარლამენტო უმრავლესობას აღარ სურს ასეთი ჯგუფების შექმნა.
ავტორი
მარიამ ხაჩირაშვილი
