“მთავარი არხის” დამფუძნებელი სოციალურ ქსელში ემოციურ ისტორიას ჰყვება ჟურნალისტ ბექა ყორშიასთან დაკავშირებით და განსაკუთრებულ პოზიტიურ შეფასებებს აკეთებს მის მიმართ:
“პირველად ყურადღება ფბ-ზე მივაქციე: მართალია, ისეთი პოპულარული არ იყო, როგორც დღეს, მაგრამ კოჭებში ეტყობოდა უზარმაზარი პოტენციალი. მესინჯერში ეგრევე მიპასუხა: მთავარის ფანი აღმოჩნდა და ცოტათი ჩემიც🙂 მეორე დღესვე მოვიდა:
გამხდარზე გამხდარი 25 თუ 26 წლის ბიჭი, წვერებში, დიდი და ჭკვიანი თვალებით და ნერვიული ჩაცინებით. მოვიდა და ეგრევე დარჩა: მთავარი ჩემი საოცნებო სამუშაოა, მაგრამ არა მგონია რამე გამომივიდესო. აღარ მოვყვები როგორ შეეგუა ტემპს, როგორ მოიხსნა “ეს მე არ ვიცის” კომპლექსი, როგორ აღმოაჩინა საკუთარ თავში ის, რაზეც წარმოდგენა არ ქონდა, რომ შეეძლო და როგორ გახდა საუკეთესო: დიდი ამბავია და ოდესმე მოვაბამ თავს. ერთს ვიტყვი მხოლოდ: ძალიან ვგავართ ერთმანეთს და უმცროსი ძმა რომ მყავდეს, ზუსტად ასეთი იქნებოდა, ასე მგონია.
ბედნიერი და კმაყოფილი ვარ, რომ ამ ფენომენალური შესაძლებლობების ბიჭს და ქართულ ჟურნალისტიკაში ახალი სიტყვის ახლებურად მთქმელს გზის გაკვლევაში დავეხმარე. და კიდევ იმას ვიტყვი, რომ ძალიან მიყვარს, ვამაყობ მისით და ვულოცავ დაბადების დღეს ბექა ყორშია❤️“, – წერს ფეისბუქის პირად გვერდზე ნიკა გვარამია.
