საქართველოში მედიის წარმომადგენლებზე ძალადობა-თავდასხმისა თუ შევიწროვების ფაქტებთან დაკავშირებით ანგარიშები გამოქვეყნდა, რასაც ტელეკომპანია ,,ფორმულას” თანადამფუძნებელი მიშა მშვილდაძე ეხმაურება, რომლის მიმართაც, ასევე, იყო განხორციელებული თავდასხმა:
,,ის, რომ 45 ფაქტი არის ჟურნალისტებზე თავდასხმის მარტო 2023 წლის განმავლობაში, ეს არის ძალიან მაღალი რიცხვი. ნათელია, რომ აქ საქმე გვაქვს ჩვეულებრივ სისტემურ პრობლემასთან, სახელმწიფოს მიერ დანაშაულში ჩართულობის მხრივ.
ჩემი კონკრეტული საქმის კონსტიტუცია [კონსტრუქცია] როგორიც იყო აგებული, რაც შედგებოდა, ზუსტად აჩვენებს, თუ რა ხდება მთლიანად ქვეყანაში – როგორ არის ჩართული უსაფრთხოების სამსახური რაღაც გაყალბებაში, რეალობის დადგმაში.
სახელმწიფო არაფერს აკეთებს იმისთვის, რომ ეს დანაშაული არ მოხდეს კი არა, სახელმწიფო თვითონ არის ამ დანაშაულის ორგანიზატორი, მომფიქრებელი, დამგეგმავი, ჩამდენი, მერე მტკიცებულებებისვე გამყალბებელი, რომ არავინ დასაჯოს, რეალური დამნაშავე“, – განაცხადა მიშა მშვილდაძემ.
