“ჩემთვის აბსოლუტურად მიუღებელი და გაუგებარი იყო, როდესაც 2 რადიკალური პარტია ერთი – ხელისუფლებაში და მეორე – რადიკალურ ოპოზიციაში, ქვეყნის ამ მიღწევას თავისი ბელადების სახელებს უკავშირებენ” – გიორგი გახარია

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია ერთ-ერთი შეხვედრის დროს საუბრობს ევროკავშირის კანდიდატის სტატუსის მიღების საკითხზე:

,,ჩემთვის აბსოლუტურად მიუღებელი და გაუგებარი იყო, როდესაც 2 რადიკალური პარტია ერთი – ხელისუფლებაში და მეორე – რადიკალურ ოპოზიციაში, პირველ რიგში, ქვეყნის ამ მიღწევას თავისი ბელადების სახელებს უკავშირებენ. აბსოლუტურად მიუღებელი იყო!

,,ნაციონალური მოძრაობა” იძახის, როცა ამბობს, რომ ,,მიშა სააკაშვილის დამსახურებაა თურმე, რომ საქართველომ ევროკავშირის სტატუსი მიიღო” ან აქედან მეორე, ,,ოცნება” – თავის ბელადს.

არავის არ გახსენებია ანწუხელიძე, გინტური, არ გახსენებიათ საერთოდ არავინ… ის ხალხი, რომლებმაც ბოლო 30 წლის განმავლობაში სიცოცხლე დადეს იმისთვის, რომ ქვეყანა შეძლებოდა ღირსეულად გამხდარიყო ევროკავშირის წევრი. არა, ეს არ ახსენდებათ. არ გახსენებიათ ტატუნაშვილი, ოთხოზორია, ეს ხალხი არ გახსენებიათ. სამაგიეროდ, თავისი ბელადები გაახსენდათ…“, – განაცხადა გიორგი გახარიამ.

ავტორი
ნინი ხიჯაკაძე