“რაც შეეხება ოპოზიციის კეკლუცობას – სწორებას ნუ გააკეთებთ ისეთ ძალებზე, რომლებიც არიან ცრუპენტელები” – ალუდა ღუდუშაური

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე, ალუდა ღუდუშაური ჟურნალისტებთან კომენტარს აკეთებს რუსი სამხედროების მიერ მოკლული, საქართველოს მოქალაქის, თამაზ გინტურის საქმესთან დაკავშირებით:

,,ჩვენ გამოვიყენებთ ყველა ბერკეტს. თუ რას ნიშნავს ყველა ბერკეტი, მე ვფიქრობ, ამას მარტივად დაინახავთ. ჩვენ გავაკეთებთ ჩვენი შესაძლებლობის მაქსიმუმს, ამაში ღრმად იყავით დარწმუნებულები. მე შემიძლია ეს ნამდვილად დაგპირდეთ, რომ ჩვენ ყველა რესურსს გამოვიყენებთ.

იმას, რაც შეეხება ოპოზიციის კეკლუცობას, კიდევ ერთხელ გეუბნებით – სწორებას ნუ გააკეთებთ ისეთ ძალებზე, რომლებიც არიან ცრუპენტელები. ამ ადამიანებს პოლიტიკურად პულსი არ ესინჯებათ“, – განაცხადა ალუდა ღუდუშაურმა.

ინფორმაციისთვის:  ხმა 7-ის წინააღმდეგ! – ევროპარლამენტმა თამაზ გინტურის მკვლელობის შესახებ რეზოლუცია მიიღო და მკაცრად დაგმო რუსი სამხედროების მიერ ჩადენილი მორიგი დანაშაული. რეზოლუციას ხმა მისცა 495 ევროპარლამენტარმა, წინააღმდეგი იყო – 7.

ავტორი
ნინი ხიჯაკაძე