“ქართული ოცნება” მარტივად მანიპულირებს ორპროცენტიანი ბარიერის საკითხით – ლევან ბეჟაშვილი

პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარის მოადგილე, ლევან ბეჟაშვილი ჟურნალისტებთან კომენტარს აკეთებს საარჩევნო ბარიერის 2%-მდე დაწევასთან დაკავშირებით:

,,ქართული ოცნება” მარტივად მანიპულირებს ორპროცენტიანი ბარიერის საკითხით. იცით, რომ, როდესაც საზოგადოების მოთხოვნა დადგა, ხალხი ქუჩაში გამოვიდა, მათ – შეშინებულებმა ორპროცენტიანი ბარიერის თაობაზე გადაწყვეტილება მიიღეს და საკონსტიტუციო ცვლილება განახორციელეს, მაგრამ როგორც კი ქარიშხალმა გადაიარა, დღეს ისინი ამ საკითხით მანიპულირებენ.

პრაქტიკულად, შეიძლება ითქვას, რომ მათ არ აწყობთ ორპროცენტიანი ბარიერის დაწევა. იმიტომ, რომ 5%-ის ქვევით მიღებული ხმები ,,ქართული ოცნების” მანდატებში კაპიტალიზირდება“, – განაცხადა ლევან ბეჟაშვილმა.

ავტორი
ნინი ხიჯაკაძე