27-28 ოქტომბერს ამსტერდამში, ALDE-ს ორგანიზებითა და მხარდაჭერით ლიბერალ ქალთა ალიანსის სამიტი გაიმართა, რომელსაც “სტრატეგია აღმაშენებლის” პოლიტიკური საბჭოს წევრი ნანა ტოხვაძე დაესწრო.
ორდღიან სამიტს ალდეს პოლიტიკური ოჯახის წევრი პარტიების წარმომადგენლები – FDP, VVD, D66 და სხვა პარტნიორი ევროპული ფონდები (ELF, FNF ) ესწრებოდნენ, რომლებიც ქალთა პოლიტიკური გაძლიერებისა და მხარდაჭერის პროგრამებს ახორციელებენ.
აღნიშნული სამიტის ფარგლებში გახსნით ღონისძიებაში ამავე პროგრამის კურსდამთავრებულები: გერმანიის განათლების მინისტრი – ბეტინა სტარკი; ესტონეთის კულტურის მინისტრი – ჰაიდი პურგა; შვედეთის გარემოს დაცვის მინისტრი; ნიდერლანდების ყოფილი პრემიერ-მინისტრი; მოქმედი და ყოფილი ევროპარლამენტარები; ALDE-ს ვიცე-პრეზიდენტები და ახალარჩეული გენერალური მდივანი მონაწილეობდნენ.
სამიტის და სამუშაო ჯგუფების მთავარ ამოცანას ალიანსის წევრი, პოლიტიკაში ჩართული ქალების გაძლიერება და სამომავლოდ მათ მიმართ ეფექტიანი მხარდაჭერა წარმოადგენდა.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
