უკრაინის პრეზიდენტ ვოლოდიმირ ზელენსკის მიერ ბრიუსელში გაკეთებულ განცხადებაზე, სადაც მან ერთგვარად დააკავშირა საქართველო და ბელარუსი, კონკრეტულ შეფასება-განმარტებებს აკეთებს განათლების ყოფილი მინისტრი, პოლიტიკის ექსპერტი გია ნოდია:
“ზელენსკის კრიტიკა იმის გამო, რომ ბელერუსთან ერთ დონეზე მოგვიხსენია, არასწორია.
მას არ უთქვამს, რომ ამ ორ ქვეყანას შორის განსხვავება არ არსებობს. მიუხედავად ყველაფრისა, (1) ბელარუსისგან განსხვავებით, ჩვენ არ ვართ რუსეთის ღია მოკავშირე და (2) ჩვენი პოლიტიკური რეჟიმი არ არის იმდენად ავტორიტარული, როგორც ბელარუსშია. კი, ორივე თვალსაზრისით ბელარუსის გზას ვადგავართ, მაგრამ ჯერ ბოლომდე არ მიგვიღწევია.
მას არც იმაზე უთქვამს რამე, უნდა მოგვცენ თუ არა კანდიდატის სტატუსი. ამ საკითხის გადაწყვეტაზე ის გავლენას ვერ მოახდენს.
მან მხოლოდ გამოთქვა რწმენა, რომ, თუმცა დღევანდელი მდგომარეობით ეს ორივე ქვეყანა დასავლეთისკენ არ მიდის, მომავალში (იგულისხმება, ხელისუფლების შეცვლის შემთხვევაში) ორივე ქვეყანა ევროპის ნაწილი გახდება.
რა არის ამაში არასწორი? ან თუნდაც საქართველოს მიმართ არამეგობრული? არა მგონია, ბელარუსის საზოგადოება ჩვენზე ნაკლებად ევროპული იყოს. სავსებით შესაძლებელია, ის მომავალში პოლიტიკურად ევროპულ გზას დაადგეს. მაგრამ ამ მომენტში არც ამ ორი ქვეყნიდან ამ გზით არ მიდის“, – წერს ფეისბუქის პირად გვერდზე გია ნოდია.
