სუს-ის ყოფილი მაღალჩინოსნის იოსებ (სოსო) გოგაშვილის მიერ სოციალურ ქსელის მეშვეობით გავრცელებულ განცხადებას ეხმიანება “ქრონიკა+”-ის მთავარი რედაქტორი ელისო კილაძე. ჟურნალისტს მიაჩნია, რომ სუს-ის უფროსის ყოფილი მოადგილის მიზანი მის წინააღმდეგ ჭორებს გავრცელება, თვალთვალი და ადვოკატ ირაკლი ზაქარეიშვილის მეშვეობით ზემოქმედების მცდელობაა:
“სოსო გოგაშვილი ატეხილი ხარ სამგლე გოჭივით და დაოკდი!
არც შენი თვალთვალის მეშინია, არც შენი ჭორების, არც ფოტოების გადაღების და არც ზაქარას (იგულისხმება ადვოკატი ირაკლი ზაქარეიშვილი, რედ.) ბოდვების!
სუსის უფროსის მოადგილე როცა იყავი და მთელი სახელმწიფო მანქანა გედგა გვერდით, მაშინ ვერ მოიპოვე ჩემზე კომპრომატი და ახლა ზაქარას თვეში ათას ლარს უხდი ამ სიბინძურეებში – ტეხავს, ამოდენა”ჩეკისტი”, ჯერ ბლოგერი გახდი და მერე “წუწკის” წყარო.
შენ იკადრე ის,რაც სპეცსამსახურების ისტორიაში არასოდეს, არც ერთ თანამშრომელს არ უკადრებია – აგენტებთან კომინიკაციისთვის იყენებდი საკუთარ ცოლს და ახლა დაჭერის შიშის გამო აშანტაჟებ სახელმწიფოს, ავლაპარაკდებიო!
ერთი რჩევა მაქვს გულწრფელად-ფსიქიატრი გამოცვალე, მკურნალობის კურსმა აშკარად ვერ გაამართლა!
p.s. მე შენ 2017 წლის 13 მარტს დაგამარცხე!
სხვა დანარჩენი ლირიკა და შენი ფსკერია!” – წერს ფეისბუკის პირად გვერდზე ელისო კილაძე.
