პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” წევრი, ანა წითლიძე განცხადებას აკეთებს რაჭაში, შოვში მომხდარ სტიქიურ უბედურებაზე და მოითხოვს, რომ აღნიშნულ ტრაგედიასთან დაკავშირებით ყველა მასალა გასაჯაროვდეს:
,,შოვთან დაკავშირებით იცით, რომ ფრაქცია ,,ერთიანი ნაციონალური მოძრაობის” ინიციატივა არის საგამოძიებო კომისიის შექმნა. სწორედ საგამოძიებო კომისიის ფარგლებში ჩვენ ვითხოვთ, რომ გასაჯაროვდეს მასალები და კითხვებზე პასუხი გაეცეს.
ეს კითხვები აქვთ საქართველოს მოქალაქეებს და გასაჯაროვდეს ყველა მასალა, რომელიც შოვთან დაკავშირებით არსებობს.
ხელისუფლების მიზანი ის არის, რომ შოვის ტრაგედია დარჩეს ყურადღების მიღმა და ნაკლები ინტერესი დაეთმოს, ჩანს ძალიან ბევრი ისეთი საკითხით, რომლითაც მმართველი პარტია ამ ტრაგედიის გადაფარვას ცდილობს“, – განაცხადა ანა წითლიძემ.
ავტორი
ნინი ხიჯაკაძე
