“მივმართავ ღარიბაშვილს და კალაძეს – მოვიდნენ და ექვსი საათი გაძლონ ამ საცხოვრებელ პირობებში, არათუ ექვსი თვე” – თეონა ჭალიძე

„მივმართავ, პრემიერ – მინისტრს, ირაკლი ღარიბაშვილს და თბილისის მერს, კახა კალაძეს – მათი თქმით, აღმოიფხვრა სიღარიბე, გაიზარდა ეკონომიკა. მოვიდნენ და ექვსი საათი გაძლონ ამ საცხოვრებელ პირობებში, არათუ ექვსი თვე“, – ამის შესახებ „სტრატეგია აღმაშენებლის“ პოლიტიკური საბჭოს წევრმა და სოციალური მიმართულების ხელმძღვანელმა, თეონა ჭალიძემ სოციალურად დაუცველ ოჯახთან შეხვედრისას განაცხადა.

როგორც ჭალიძე აღნიშნავს, უსახლკარო და სოციალურად დაუცველი სტატუსის მქონე ოჯახს მერიამ ორხევის საერთო საცხოვრისი დაატოვებინა მხოლოდ იმ მიზეზით, რომ შეზღუდული შესაძლებლობების მქონე დედა „წითელი ჯვრის“ დახმარებით სამკურნალოდ საზღვარგარეთ იმყოფებოდა.

მისივე თქმით, 10 კვადრატულ ფარეხში, სადაც ოჯახი ცხოვრობს, არის უმძიმესი ვითარება. იგი მოუწოდებს პრემიერ-მინისტრს, ირაკლი ღარიბაშვილსა და თბილისის მერს, კახა კალაძეს, რომ მოვიდნენ და თავადვე გაეცნონ აღნიშნულ ვითარებას:

“ამ 10 კვადრატული ფარეხიდან, სადაც არ არის ელექტროენერგია, წყალი, ბუნებრივი აირი და სადაც შეზღუდული შესაძლებლობის ქალი ცხოვრობს სამი შვილით, სოციალურად დაუცველი, ყოველგვარი საცხოვრებელი, საარსებო პირობების გარეშე.

მივმართავ, პრემიერ-მინისტრს, ირაკლი ღარიბაშვილსა და თბილისის მერს, კახა კალაძეს. მათი თქმით, აღმოიფხვრა სიღარიბე, გაიზარდა ეკონომიკა და პარალელურად ასეთ მდგომარეობაში მყოფ ხალხს არ ექცევა სათანადო ყურადღება. მოვიდნენ და ექვსი საათი გაძლონ ამ საცხოვრებელ პირობებში, არათუ ექვსი თვე, რომელსაც თხოვენ მოიცადოს ამ ქალმა და შემდეგ გადაწყვეტენ, წაიყვანენ თუ არა სოციალურ საცხოვრისში.

უსახლკაროს სტატუსი უკვე აქვს ამ ოჯახს მინიჭებული და მივმართავ მათ, თბილისის მერს, რომ დროულად და სასწრაფოდ მოხდეს რეაგირება და ეს ოჯახი გადაყვანილ იქნეს უკეთეს საცხოვრებელ პირობებში მაინც.

ყველა ინსტაცია მოიარა ამ ქალბატონმა, ყველას მიმართა, ვისთვისაც შეიძლებოდა რომ მიემართა და ყველა იცილებს თავიდან და ეუბნებიან, რომ ეს ჩემი საქმე არ არის.

მერიისგან პასუხად მიიღო, რომ უსახლკაროს სტატუსი თავიდან უნდა მიენიჭოს და არის ბიუროკრატიული პროცესი, როცა ამ ქალს ეს სტატუსი უკვე ჰქონდა და იმ სოციალურ საცხოვრისში, სადაც ბევრად უკეთესი პირობებია, აქვს ერთ წლიანი ხელშეკრულება და გათვალისწინებულია ვადა“, – განაცხადა თეონა ჭალიძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს