“თუ კობახიძის გუშინდელი არაადეკვატური გამოხდომის შემდეგ საკონსტიტუციო სასამართლო კიდევ ვერ გააცნობიერებს საკუთარ პასუხისმგებლობას ქართული სახელმწიფოს წინაშე და არ მიიღებს ერთადერთ სწორ გადაწყვეტილებას, ის სრულად გაიზიარებს პასუხისმგებლობას ამ კაცის ფსიქიკური მდგომარეობის შემდგომი დამძიმებით გამოწვეულ პოლიტიკურ რისკებზე“, – წერს ფეისბუქის პირად გვერდზე გია ხუხაშვილი.
ინფორმაციისთვის: საპარლამენტო უმრავლესობის ლიდერმა, ირაკლი კობახიძემ ბრიფინგზე განაცხადა, რომ პარლამენტი „შეკრებებისა და მანიფესტაციების შესახებ“ კანონს პრეზიდენტთან ხელისმოსაწერად არ გააგზავნიან, რადგანაც საპარლამენტო რესპუბლიკაში კანონების გამოცემა პარლამენტის პრეროგატივაა. შემდგომში, მმართველი პარტიის ლიდერმა განმარტებები გააკეთა და აღნიშნა, რომ მისი განცხადება ე.წ. “სატესტო” ხუმრობა იყო, რითიც მინიშნება გააკეთა პრეზიდენტის უფლებამოსილებაზე.
