“ყველამ კარგად უნდა იცოდეს, რომ ქართველი ხალხი მშიშარა არ არის” – ლევან ხაბეიშვილი შეკრებისა და მანიფესტაციის კანონში დაგეგმილ ცვლილებებზე

,,გამარჯვების პლატფორმის” ერთ-ერთი ლიდერი, ,,ერთიანი ნაციონალური მოძრაობის” თავმჯდომარე, ლევან ხაბეიშვილი ჟურნალისტებთან კომენტარს აკეთებს შეკრებისა და მანიფესტაციის კანონში, ახალი შეზღუდვების შემოღების მხრივ, დაგეგმილი ცვლილებების თაობაზე:

,,ესეც არის რუსული კანონის გაგრძელება. ხალხი, რომელიც კარვებით მოვიდა და თვეების განმავლობაში რუსთაველზე კარვები ჰქონდა გაშლილი – ეს ადამიანები რუსთაველზე კარვებს კრძალავენ. შესაბამისად, ადამიანებთან და ჩვენს მოქალაქეებთან კონკრეტული მესიჯის გაშვება უნდათ, რომ შეგეშინდეთ, კანონი გავამკაცრეთ, დაგიჭერთ და ა.შ.

თუმცა, ყველამ კარგად უნდა იცოდეს, რომ ქართველი ხალხი მშიშარა არ არის. მათ შორის, როგორც იყო რუსულ კანონთან დაკავშირებით, იბრძოლეს და ეს კანონპროექტი დააღეჭინეს ღარიბაშვილსაც, კობახიძესაც და ბიძინა ივანიშვილსაც. აი, ზუსტად ისე მოხდება, თუ ჩვენი ქვეყანა კანდიდატის სტატუსს არ მიიღებს“, – განაცხადა ლევან ხაბეიშვილმა.

ავტორი
მარიამ ხაჩირაშვილი