“მივიღეთ რუსული რეჟიმი, პუტინის რეჟიმის გაგრძელება საქართველოში, რომლებიც უარს ამბობენ საქართველოს ევროპულ მომავალზე” – ლევან ხაბეიშვილი “ქართული ოცნების” არჩევნებში გამარჯვების 11-წლისთავზე

,,ერთიანი ნაციონალური მოძრაობის’’ თავმჯდომარე, ლევან ხაბეიშვილი ჟურნალისტებთან პოლიტიკურ შეფასებას აკეთებს ,,ქართული ოცნების’’ ხელისუფლებაში მოსვლის დღიდან საზოგადოებაში არსებულ მოლოდინებსა და 11 წლიანი მმართველობის შედეგებზე:

,,საზოგადოება ელოდებოდა დასაქმების ადგილებს; საზოგადოება ელოდებოდა, რომ ემიგრაციაში კი არ გაქცეულიყვნენ, აქ შექმნილიყო ეკონომიკური დოვლათი; საზოგადოება ელოდებოდა ევროკავშირის წევრობას და ევროპისკენ სვლას, ასევე ელოდებოდა მაღალ პენსიებს, ახალგაზრდები – დასაქმების ადგილებს, ღირსეულ შემოსავალსა და ცხოვრების პირობებს.

თუმცა, მივიღეთ რუსული რეჟიმი, პუტინის რეჟიმის გაგრძელება საქართველოში, რომლებიც უარს ამბობენ, ფაქტობრივად, საქართველოს ევროპულ მომავალზე’’, – განაცხადა ლევან ხაბეიშვილმა.

ავტორი
მარიამ ხაჩირაშვილი