დღეს, პარლამენტში მიმდინარე სხდომისას ადგილი ჰქონდა დაპირისპირებას. პროტესტის ნიშნად ოპოზიცინერმა დეპუტატებმა დარბაზი დატოვეს, თუმცა სიტყვიერი და ფიზიკური დაპირისპირება სხდომათა დარბაზის გარეთაც გაგრძელდა. მომხდარ ფაქტთან დაკავშირებით ჟურნალისტებთან მწვავე და კრიტიკული კომენტარი გააკეთა ,,სტრატეგია აღმაშენებლის” თავმჯდომარემ, გიორგი ვაშაძემ:
,,ჩვენ მაგათ გავაძევებთ საქართველოდან! დღევანდელი დღეც ხომ მხილებაა ხალხნო, რომ რუსს ჯაშუშებს არიან გადაფარებულები!
კობახიძეს პირდაპირ ვკითხე, რატომ აქვს დღეს რუსეთის მოქალაქე ფარცხალაძეს, კვლავ საქართველოს მოქალაქეობა?!
ეროვნული ბანკის ვიცე-პრეზიდენტი გადადგა იმიტომ, რომ [ეროვნული ბანკის] ეს გადაწყვეტილება არის სრულიად უკანონო.
საქართველოს მოქალაქეებს ვეუბნები – ხალხნო, მთელი ფინანსური სექტორი ჩამოგვენგრევა თავზე, თუ ამ ადამიანებს დროულად პასუხი არ გავეცით! მარტო ფარცხალაძეს არა, გაუშიფრავ ჯაშუშებს იცავენ!
გამოსავალი არის ყველას ერთიანობა!
რუსი ჯაშუშები ქვეყნიდან უნდა გავაძევოთ!’’,- განაცხადა გიორგი ვაშაძემ.
ავტორი
ნინი ხიჯაკაძე
