“ეროვნულ ბანკზე პოლიტიკური ზეწოლა და მსგავსი განცხადებები არის არა თუ უპასუხისმგებლობა, არამედ დანაშაულებრივი, ვინაიდან რისკის ქვეშ აყენებს ქვეყნის სტაბილურობას” – რომან გოცირიძე ირაკლი კობახიძის განცხადებაზე

აშშ-ის მიერ სანქცირებულ ოთარ ფარცხალაძესთან მიმართებაში ეროვნულმა ბანკმა მიიღო გადაწყვეტილება, მისთვის ანგარიშების გაყინვასთან დაკავშირებით, რასაც ,,ქართული ოცნების” ოფისში გამართულ საგანგებო ბრიფინგზე მწვავე განცხადებით გამოეხმაურა პარტიის თავმჯდომარე, ირაკლი კობახიძე და უდანათაულობის პრეზუმოციაზე გააკეთა აქცენტი. თემასთან დაკავშირებით ჟურნალისტებთან კომენტარი გააკეთა საპარლამენტო პოლიტიკური ჯგუფის ,,ევროოპტიმისტების” წევრმა, რომან გოცირიძემ:

,,ეროვნულ ბანკს რომ არ მიეღო ეს გადაწყვეტილება, საქართველოს საბანკო სისტემის კოლაფსი მოხდებოდა. არცერთი საერთაშორისო, დასავლეთის ბანკი საქართველოს ბანკებთან ურთიერთობას არ იქონიებდა, შეწყდებოდა ანგარიშსწორება.

1 მილიონი ჩვენი მოქალაქე უცხოეთიდან ვერ გადმორიცხავდა საქართველოში ფულს. კომერციული ბანკები დადგებოდა გაკოტრების პირას და ბუნებრივია, რა თქმა უნდა, ეს იქნებოდა კატასტროფული შედეგის მომტანი ქართული ბიზნესისათვის.

ამიტომ ეროვნულ ბანკზე პოლიტიკური ზეწოლა და მსგავსი განცხადებები არის არა თუ უპასუხისმგებლობა, არამედ დანაშაულებრივი, ვინაიდან რისკის ქვეშ აყენებს ქვეყნის სტაბილურობას და არამხოლოდ ეკონომიკურ სტაბილურობას“, – განაცხადა რომან გოცირიძემ.

P.S. საქართველოს ეროვნულმა ბანკმა, ირაკლი კობახიძის განცხადების შემდეგ, შეცვალა გადაწყვეტილება და ოთარ ფარცხალაძეს აღუდგინა საკუთარ ანგარიშებთან წვდომა.

ავტორი
ნინი ხიჯაკაძე