“ქართული ოცნება” ქვეყნის ღალატს და საქართველოს ინტერესების დაზიანებას თუ არ შეეშვებიან, მათაც ემუქრებათ სანქციები – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე ჟურნალისტებთან კომენტარს აკეთებს პრემიერ-მინისტრის, ირაკლი ღარიბაშვილის იმპიჩმენტის საკითხთან დაკავშირებით:

,,ღარიბაშვილი და ,,ქართული ოცნება” არ მიიღებს ამ სიგნალებს, რომლებიც მოდის დასავლეთიდან, რომ მათ იციან თავიანთი რუსული საქმიანობის შესახებ, ქვეყნის ღალატს და საქართველოს ინტერესების დაზიანებას არ შეეშვებიან, რა თქმა უნდა, მათაც ემუქრებათ სანქციები.

კორუფციის საქმიანობასთან დაკავშირებით ჩვენ მოთხოვნილი გვაქვს გამოძიების დაწყება. წესით, ნორმალური ხელისუფლება თვითონ იქნებოდა დაინტერესებული გამოძიების დაწყებით, მაგრამ არანაირი გამოძიების იმედი არ მაქვს.

რაც შეეხება იმპიჩმენტს – ფაქტიურად, იმ მოცემულობიდან გამომდინარე, რაც საქართველოს პარლამენტშია, ,,ქართული ოცნება” არ მოაწყობს”, – განაცხადა პაატა მანჯგალაძემ.

ავტორი
ნინი ხიჯაკაძე