ფრაქცია ,,ქართული ოცნების” თავმჯდომარე, მამუკა მდინარაძე ჟურნალისტებთან პოლიტიკურ შეფასებას აკეთებს საქართველოს NATO-ში ინტეგრაციის პროცესთან დაკავშირებით:
,,ბატონმა კახი კალაძემ დღესაც მშვენიერი პასუხი გაგცათ. ,,თქვენ ვინ იგულისხმეთ, ქალბატონო ემაო?!“. რატომ გგონიათ, რომ მე კითხვებს ვერ ვიგებ?
ნახეთ, ნუ დაიყვანთ ასეთ დონეზე, რომ წერილი ხომ არ მიგვიწერია ჩვენ გაეროს გენერალური მდივნისთვის, ან ასე წერილებით, ან კანცელარიაში გატარებით ხდება ნატო-ში მიღება?! უკაცრავად, ამას რომ გეუბნებით, რა სისულელეებს მოიტანთ ხოლმე! ვის მიმართეთ?!
გუშინწინ გავაგზავნეთ წერილი და მიიღო NATO-ს კანცელარიამ – ამის პასუხი გინდათ?! ყველა ერიდება ამ თემაზე ლაპარაკს. იმიტომ, რომ საქართველო დღესვე იმსახურებს, თუ გაინტერესებთ, NATO-ს წევრობას, ისეთი გაწვრთნილი ჯარი და ისეთი მაგარი მეომრები გვყავს!
იცით, რატომ ეამაყება ამ ადამიანს, ნებისმიერს, ვინც აქ არის, ნებისმიერ ქართველს პრემიერის იმდღევანდელი გამოსვლა ბორელთან პრესკონფერენციაზე?! იმიტომ, რომ, როგორც იქნა, ამ ქვეყნის ხელისუფალმა შეძლო, ეს ხალხის სიტყვებია, რაც მოვისმინე ამ დღეების განმავლობაში, რომ თანაბრად ელაპარაკონ და არა როგორც ბატონს. დარბაზში მოსულ ხალხს კი არ შევეკითხეთ, აქეთ გვეუბნებიან, რომ ეამაყებათ პრემიერის იმ გამოსვლის, სადაც მან შეძლო და უსამართლობაზე თანაბრად და არა ქვემოდან ელაპარაკა, თუნდაც, ევროპის უმაღლეს წარმომადგენელს“, – განაცხადა მამუკა მდინარაძემ.
ავტორი
ნინი ხიჯაკაძე
