მოსამართლეთა უვადოდ დანიშვნის გასაპროტესტებლად რუსთაველზე, პარლამენტის შესასვლელებთან და მიმდებარე ტერიტორიაზე საპროტესტო აქციები გაიმართა, რომელიც მოგვიანებით ერთგვარ სამართლებრივ დაპირისპირებაში გადაიზარდა პოლიციასა და საპროტესტო აქციის მონაწილეებს შორის.
აქციის მონაწილეების მხრიდან მოთხოვნას, დაცული ყოფილიყო კონსტიტუციით გარანტირებული უფლება პროტესტის გამოსახატავად, დაუპირისპირდა პოლიციის სტანდარტული მოწოდებები მათი მოთხოვნისადმი დამორჩილებისკენ.
მოგვიანებით სიტუაცია გამწვავდა ერთი შეხედვით ბანალური მიზეზის გამო, კერძოდ საპროტესტო აქციის მონაწილეების მიერ ზეპრა გადასასვლელზე პერმანენტულ მოძრაობას პოლიციამ შეზღუდვა დაუპირისპირა, ხოლო სამართლებრივ დაპირისპირებას და უფლებებისა თუ ვალდებულებების განმარტება-გარკვევას მოჰყვა საერთო ჯამში 16 პირის დაკავება166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით გათვალისწინებული სამართალდარღვევებისთვის.
დაკავებულთა შორის არიან “ახალი საქართველოს” თავმჯდომარე გიორგი ვაშაძე, “გამარჯვებული საქართველოს” ერთ-ერთი ლიდერი გურამ ჩალაგაშვილი, ასევე გიორგი თევდორაძე, ბესო გაზდელიანი, ზურაბ კოსტავა, დავით კაკაურიძე, კახაბერ მაჩიტიძე და სხვები.
