“უკონტროლო ძალაუფლებისგან და უზომო ფულისგან რომ რეალობის შეგრძნებას დაკარგავ, ის სჭირს ახლა პრემიერის ოჯახს და მის გარემოცვას” – ნინო ლომჯარია

საქართველოს ყოფილი სახალხო დამცველი, ნინო ლომჯარია ემოციურ შეფასებას აკეთებს პრემიერ-მინისტრ ირაკლი ღარიბაშვილთან დაკავშირებით:

“უკონტროლო ძალაუფლებისგან და უზომო ფულისგან რომ რეალობის შეგრძნებას დაკარგავ, ის სჭირს ახლა პრემიერის ოჯახს და მის გარემოცვას.

შენ მოქალაქეებთან ერთად ერთი თვითმფრინავით მგზავრობის რომ გეშინია, სპეციალურად შენთვის გამოცარიელებულ რესტორნებში რომ დადიხარ, ქუჩაში პარტაქტივს რომ გახვედრებენ ტაშის კვრით, ვითომ კმაყოფილი მოქალაქეა, ეგ მდგომარეობა პრივილეგია კი არაა, იზოლაცია და მლიქვნელი გარემოცვის ტყვეობაა. ცუდად გრძელდება ეგ“, – წერს ფეისბუქის პირად გვერდზე ნინო ლომჯარია.