საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე ჟურნალისტებთან პოლიტიკურ შეფასებას აკეთებს ,,ქართული ოცნების” პოლიტიკური საბჭოს გადაწყვეტილებაზე, რომელიც ეხება პრეზიდენტ სალომე ზურაბიშვილის იმპიჩმენტის საკითხს:
,,პირველი და ყველაზე მნიშვნელოვანი – აბსოლუტური სისულელე და აბსურდია იმპიჩმენტის თემის წამოწყება! ამას თვითონაც აღიარებენ – ხმები არ აქვთ. მაშინ კითხვა დავსვათ: რატომ წამოიწყეს? – იმიტომ, რომ ამ იმპიჩმენტზე გვალაპარაკონ ახლა სულ ყველა. სისულელეა, აზრს, შინაარსს მოკლებულია.
რატომ უნდა იმპიჩმენტზე რომ ვილაპარაკოთ? – იმიტომ, რომ არ ვილაპარაკოთ გაჭირვებულ ადამიანებზე, ეკონომიკურ სიდუხჭირეზე, სამუშაო ადგილების არარსებობაზე, ევროკავშირის ინტეგრაციის, ასე ვთქვათ, საბოტაჟზე, რომელსაც ,,ქართული ოცნება” ეწევა.
რაც შეეხება ამ თემას, თვითონვე გააგრძელეს, რომ ვიღაცა ვიღაცას რაღაცა აშანტაჟებს. რამდენად არალოგიკურია, რომ ,,ქართული ოცნების” მიერ წამოწყებული პროცესით ,,ნაციონალური მოძრაობა” აშანტაჟებს პრეზიდენტსო, ლოგიკა სად არის?!“, – განაცხადა გიორგი ვაშაძემ.
ავტორი
ნინი ხიჯაკაძე
