“სალომე ზურაბიშვილი იწყებს შეხვედრებს ევროპელ ლიდერებთან” – საქართველოს პრეზიდენტის ადმინისტრაცია

პრეზიდენტის ადმინისტრაცია ინფორმაციას ავრცელებს სალომე ზურაბიშვილის გეგმებზე, საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად ეწვიოს რამდენიმე ევროპულ ქვეყანას:

“31 აგვისტოს, ქალაქ ბერლინში, გერმანიის ფედერაციული რესპუბლიკის პრეზიდენტთან, ფრანკ-ვალტერ შტაინმაიერთან ვიზიტით, საქართველოს პრეზიდენტი, სალომე ზურაბიშვილი იწყებს შეხვედრებს ევროპელ ლიდერებთან, საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად“, – ნათქვამია გავრცელებულ განცხადებაში.