პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე, თინათინ ბოკუჩავა ჟურნალისტებთან კომენტარს აკეთებს რაჭაში, შოვში მომხდარ სტიქიურ უბედურებასთან დაკავშირებით პარლამენტში დროებითი საგამოძიებო კომისიის შექმნის აუცილებლობაზე:
,,ანგარიშვალდებულების მექანიზმი მორღვეულია ჩვენს ქვეყანაში, რაც ჩვენი მოქალაქეებისა ყოველდღიურ ცხოვრებაში აისახება, მათ შორის, ასეთ მძიმე წუთებში. იმიტომ, რომ ყველა სახელმწიფო სტრუქტურა მუშაობს ერთ ადამიანზე და ეს ადამიანი არის ბიძინა ივანიშვილი.
მაშინ, როდესაც ნულოვანი ნდობა არსებობს ნულოვანი დამოუკიდებლობის ხარისხის მქონე საგამოძიებო უწყებების მიმართ, რომლებიც ჩვეულებრივი პოლიტიკური დევნის ინსტუმენტები არიან ივანიშვილის რეჟიმის პირობებში, ჩვენ იძულებული ვართ და მეტიც, ვალდებული ვართ, როგორც პარლამენტარები, რომ ავამოქმედოთ საპარლამენტო ზედამხედველობის ფუნქცია, გამოვიყენოთ ჩვენს მიერ მონიჭებული უფლება კონსტიტუციისგან და შევქმნათ საგამოძიებო კომისია“, – განაცხადა თინათინ ბოკუჩავამ.
ავტორი
ნინი ხიჯაკაძე
