ორგანიზაცია “დემოკრატიის მცველების” თავმჯდომარე, თბილისის თავისუფალი უნივერსიტეტის ასისტენტ-პროფესორი გიორგი მშვენიერაძე ევროკავშირის კანდიდატი ქვეყნის სტატუსის მიღებასთან დაკავშირებულ ნიუანსებზე საუბრობს:
“საქართველომ ევროკავშირის წევრობის კანდიდატის სტატუსი რომ მიიღოს, რაც მისი მოსახლეობის 80%-ზე მეტის სურვილია, ოქტომბრამდე საჭიროა 2 რამ:
1. საქართველომ შეასრულოს 12 რეკომენდაცია (9 ჯერ კიდევ შესასრულებელია – ევროკომისიის შუალედური ანგარიში, 2023 წლის ივნისი) და მის შესრულებაზე პასუხისმგებელი ხელისუფლებაა;
2. საქართველოს საგარეო პოლიტიკა თანხვედრაში იყოს ევროკავშირთან (დღეს მაჩვენებელი 28%-ია, მაშინ როცა ზოგიერთ კანდიდატ ქვეყანას 100% აქვს – ევროკავშირის საგარეო ქმედებათა სამსახურის აღმოსავლეთ ევროპისა და ცენტრალური აზიის განყოფილების დირექტორის მოადგილე ლიუკ დევინის განცხადება, 2023 წლის 20 ივნისი).
როცა ხელისუფლება ამბობს ევროკავშირმა პოლიტიკური გადაწყვეტილება არ უნდა მიიღოსო – ქართველ ხალხს ატყუებს. დიახ, ევროკავშირი პოლიტიკური ორგანიზაციაა და გადაწყვეტილებები პოლიტიკურად მიიღება. ამიტომ, ხელისუფლებას მოეთხოვება, მისი პოლიტიკა იყოს ევროკავშირის პოლიტიკასთან თანმხვედრი.
რაც მეტ ადამიანთან მივიტანთ ამ ამბავს – უკეთესია. თუ გადაზიარება დაგეზარებათ, დააკოპირეთ და ისე გააგებინეთ ეს სხვებს. ხელისუფლებას არ უნდა ჰქონდეს საშუალება, საკუთარი ტყუილებით აბრუებდეს ხალხს,” – წერს ფეისბუქის პირად გვერდზე გიორგი მშვენიერაძე.
