ბოდბელი მთავარეპისკოპოსი, მეუფე იაკობი (იაკობიშვილი) ქადაგების დროს ევროკავშირს და ევროპარლამენტარებს მიმართავს და აცხადებს, რომ თუ დავალებას აძლევენ საქართველოს, რატომ უწესებენ ვადებს:
,,მინდა მივმართო ევროკავშირს და ევროპარლამენტს – რას აკეთებთ?! როგორ გვექცევით?! ჩაიწერა ჩვენთან კონსტიტუციაშიც, ვფიქრობ, რომ არ უნდა ჩაეწერათ, მაგრამ NATO-ში და ევროკავშირში გაწევრიანება. რა ხდება, რისთვის იყენებთ ევროკავშირში გაწევრიანების იდეას? ორჯერ ლამის რევოლუცია მოგვიწყვეთ და რის გამო?!
12 დავალებაში…, თქვენი ბავშვები ვინ არიან? თუ დავალებას გვაძლევთ, დაგვაცადეთ და როცა აღვასრულებთ… ვადებს რატომ მიწესებს?! შემოდგომაზე იმიტომ მიწესებს, რომ კიდევ რევოლუცია მომიხდინო?!
თუ ჩემი პარტნიორი ხარ, ევროკავშირს მივმართავ – თუ არ მეხმარები, უკრაინას როგორც ეხმარება დღეს ნახევარი მსოფლიო, ხელს მაინც ნუ მიშლი.
როცა მზად ვიქნებით, მაშინ შევალთ იქ, სადაც საჭიროა. რატომ გვიბრაზდებით?
შემოდგომა ახლოვდება და ჩვენც მოვემზადებით. ისინი თუ ემზადებიან, ჩვენ ახალგაზრდებს ურევენ ხოლმე სწორ ორიენტირს, ჩვენ არავის დავანებებთ, რომ საქართველო ისევ ვიღაცის ხელში ჩავარდეს.
ეს ხომ რუსეთს უნდა რომ საქართველო არ განვითარდეს. ევროპელებს მივმართავ – ვის ემსახურებით რუსეთის გარდა, თქვენი მაგ საქციელით?!”, – განაცხადა მეუფე იაკობმა.
ავტორი
ნინი ხიჯაკაძე
