“ჯერ ერთი ივანიშვილი საკუთარ მეუღლეს და შვილებს რას მისცემს ვის რა საქმეა და მეორეც ამაზე მნიშვნელოვანი საქმე არ გაქვთ?” – ლევან ნიკოლეიშვილი

გავრცელებული ინფორმაციით, ბიძინა ივანიშვილის შვილმა ბერა ივანიშვილმა დედას, ეკატერინე ხვედელიძის კონკრეტული ქონებები გადაუფორმა და ამასთან დაკავშირებით სპეციალური რეპორტაჟი მომზადდა მედიაში, რასაც ირონიანარევი მწვავე შეფასებებით ეხმიანება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:

“როგორ უნდა დაეშვას და გაუბედურდეს მედია და ჟურნალისტები ამის მაგალითია ნოდარ მელაძე თავისი რეალობიდან ამოვარდნილი გუნდით. რატომ გავარდნენ ჭორვილაში და რაზე გააკეთეს სიუჟეტი, რომ ვნახე უკვე აღარც შემეცოდნენ, უბრალოდ მიხვდი, ამათ არაფერი არ ეშველებათ.

ბიძინა ივანიშვილმა თავისი ქონება ეკატერინე ხვედელიძეს გადაუფორმა და ბერა ივანიშვილი ქონების გარეშე დატოვაოო.

ჯერ ერთი ივანიშვილი საკუთარ მეუღლეს და შვილებს რას მისცემს ვის რა საქმეა და მეორეც ამაზე მნიშვნელოვანი საქმე არ გაქვთ? თუმცა რას იზამ ეს არის ყვითელი პრესაც და მედიაც, რეალურადაც ასეთი “სკანდალებით” იკვებებიან.

ჩვენი მეგობარი უცხოელები რას იტყვიან, “მაგარი ინფორმაცია” მიიღეს “კრიტიკული მედიიდან” თუ ისევ ვერ გაამართლეს?” – წერს ფეისბუქის პირად გვერდზე ლევან ნიკოლეიშვილი.