,,თავისუფლების ინსტიტუტმა“ გამოაქვეყნა მონაცემები, სადაც საუბარია, რომ თავდაცვის სამინისტრო, ქართული ჯარისთვის, ბოლო წლების განმავლობაში რუსეთიდან მასიურად ყიდულობს საკვებ პროდუქტებს. თემასთან დაკავშირებით ჟურნალისტებთან მწვავე შეფასებები გააკეთა ,,ერთიანი ნაციონალური მოძრაობის“ თავმჯდომარემ, ლევან ხაბეიშვილმა:
,,რუსული მთავრობაა საქართველოში და შესაბამისად, არ უნდა გაგვიკვირდეს რუსული კანონები, რუსეთთან ფრენები, რუსული პროდუქცია რომ შემოიტანოს.
ბიძინა ივანიშვილი თავისი შინაარსით, პრაქტიკული მოქმედებებით არის პუტინის კარის ოლიგარქი. ამიტომ მე არ მესმის, ჩვენ რატომ გვიკვირს, ხოლმე, ასეთი რაღაცები.
კორუფციასთან ერთად, ცხადია, ჩვენ ვხედავთ საქართველოს გარუსების მცდელობას.
ამიტომაც არის ,,გამარჯვების პლატფორმა“ შექმნილი, რომ ბიძინა ივანიშვილი დავამარცხოთ და საბოლოო ჯამში, შეიცვალოს ხელისუფლება“, – განაცხადა ლევან ხაბეიშვილმა.
ინფორმაციისთვის: თავისუფლების ინსტიტუტის მიერ გამოქვეყნებულ მასალაში განხილულია, ,,რას ჭამს ქართული ჯარი? რომელი კომპანია უზრუნველყოფს ჯარის კვებას და რომელი პროდუქტებისგან შედგება ჯარისკაცების რაციონი?“:
- 2021-2022 წლებში თავდაცვის სამინისტრომ ქართული ჯარისთვის 18,000 ლარის რუსული საკვები ზეთი იყიდა;
- 2015-2022 წლებში სამინისტრომ 232,000 ლარის რუსული ანაკომის სუპი, კეტჩუპი და მაიონეზი შეიძინა;
- შესყიდვების სააგენტოს ცნობით, 2022 წლიდან თავდაცვის სამინისტროს კვების მომსახურებისთვის ტენდერი აღარ გამოუცხადებია;
- უკვე მეორე წელია გაურკვეველია, რომელი კომპანია უზრუნველყოფს ჯარის კვებას და რისგან შედგება ჯარისკაცების რაციონი”, – წერს ფეისბუქის გვერდზე ,,თავისუფლების ინსტიტუტი“
ავტორი
ნინი ხიჯაკაძე
