საქართველოს მე-3 პრეზიდენტის მკურნალობისა და კვლევების პროცესში ექიმების ჩართულობაზე ჟურნალისტებთან კომენტარს აკეთებს მიხეილ სააკაშვილის დედა, გიული ალასანია:
,,ამერიკის შეერთებული შტატებიდან, შვეიცარიიდან, გერმანიიდან გვყავდა ექიმები – ვინ დარჩა, უკაცრავად? უსათუოდ რუსეთიდან უნდა ჩამოვუყვანოთ?!
მე არ ვიცი, რა იგულისხმება. ყველა, ვინც საჭირო იყო ჩამოვიდა, გასინჯეს, ნახეს. აქ გვყავს არაჩვეულებრივი ექიმები და იმათაც, ყველამ ნახა. ასე, რომ მე აღარ ვიცი ვინ უნდა გასინჯოს კიდევ?! მაშინ თვითონ გასინჯოს პრემიერმა, მოვიდეს“, – აცხადებს გიული ალასანია.
გიული ალასანიამ, ასევე, ისაუბრა პოლონელ ექიმებთან მომხდარ ინციდენტთან დაკავშირებით და აღნიშნა, რომ ჩხრეკის ჩატარება არის არა კლინიკა ,,ვივამედის“, არამედ პენიტენციური სამსახურის კომპეტენციაში:
,,ჩხრეკას ვინ ატარებს? თქვენ გგონიათ, რომ ,,ვივამედი“? – მას ამის უფლება არც აქვს. ,,ვივამედს’’ კონტრაქტი აქვს პენიტენციურ სისტემასთან, ჩვენ რომ შევდივართ, ჩვენი გასინჯვა, ნახვა – ეს ყველაფერი არის პენიტენციური სისტემა“, – განაცხადა გიული ალასანიამ.
ავტორი
ნინი ხიჯაკაძე
