საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე მწვავე განცხადებას აკეთებს პრემიერის, ირაკლი ღარიბაშვილის განცხადებებზე უკრაინასთან დაკავშირებით:
,,ღარიბაშვილმა კიდევ ერთხელ დაადასტურა, რომ ის არის ჩვეულებრივი რუსი ტროლი, რუსული საინფორმაციო დივერსიის აგენტი. ეს ადამიანი გამოვიდა და თქვა, რომ ,,უკრაინა ვერ გადარჩება, უკრაინის ბრალია ომის დაწყება, ზელენსკიმ ვერ აიცილა ომი, უკრაინა დაისჯება“.
ღარიბაშვილმა უკრაინასთან ურთიერთობა მიზანმიმართულად დაძაბა და გააფუჭა და კიდევ აგრძელებს. რატომ? – იმიტომ, რომ რუსეთს ასიამოვნოს.
ამ ცივილიზაციური დაპირისპირების დროს, როცა სიკეთე აშკარად არის ცივილიზებული მსოფლიოს, უკრაინის მხარეს, ბოროტება – რუსეთის, დიახ, ღარიბაშვილი დგას ამ ბოროტების მხარეს!
ეს ბოროტება არ არის ვირტუალური, ეს ბოროტება ყოველდღე კლავს უკრაინელ უდანაშაულო ბავშვებს და ამაში მონაწილეობს ირაკლი ღარიბაშვილი“, – განაცხადა პაატა მანჯგალაძემ.
ავტორი
ნინი ხიჯაკაძე
