საქართველოს პარლამენტის დეპუტატი, პარტია ,,ლელო საქართველოსთვის” პოლიტიკური საბჭოს წევრი, ანა ნაცვლიშვილი კომენტარს აკეთებს საქართველოს მხრიდან ევროსაბჭოს 12 რეკომენდაციის შესრულების პროცესზე და მწვავედ აკრიტიკებს პრემიერ-მინისტრის, ირაკლი ღარიბაშვილისა და მმართველი პარტიის სხვა ლიდერების განცხადებებს ევროპარლამენტარებთან მიმართებაში:
,,ნაცვლად იმისა, რომ ხელისუფლებამ 12 პუნქტით გათვალისწინებული რეფორმები შეასრულოს, არ ასრულებს რეფორმებს და ათას ყალბ მიზეზსა და საბაბს იგონებს იმისთვის, რომ საქართველოსა და ევროკავშირს შორის ურთიერთობები გააფუჭოს.
ვინ დაიჯერებს იმას, რომ თუ ევროპარლამენტი და დეპუტატები იყიდებიან, მილიარდელმა ივანიშვილმა ვერ მოახერხა მათი ყიდვა?! ეს ძალიან სასაცილო ბრალდებაა.
ღარიბაშვილი ,,ძაღლი სახლში არ ვარგოდა და სანადიროდ გარბოდაო“, სახლში ვერ ხედავს კოპრუფციას და იქ ეძებს, სადაც ეს არ არის.
სავალალოა, რა თქმა უნდა, სახელმწიფოსთვის, როდესაც ასეთი პირი არის პრემიერ-მინისტრის თანამდებობაზე“, – განაცხადა ანა ნაცვლიშვილმა.
ავტორი
ნინი ხიჯაკაძე
