“მტერმა საკუთარი სახლებიდან დევნილებად გვაქცია, მაგრამ ჩვენ არასდროს ვტოვებთ სამშობლოს მტრის ხელში” – დავით არახამია

ნიკა გვარამია, უკრაინის რადას ფრაქცია “ხალხის მსახურის” თავმჯდომარის, დავით არახამიას მიწვევით, უკრაინაში იმყოფება:

“დღეს პირადად გავიცანი ნიკა გვარამია, რომელიც ჩემი მოწვევით ჩამოვიდა უკრაინის რადაში.

ძალიან სწრაფად ვიპოვეთ საერთო ენა და ძალიან სწრაფად მივხვდი, რატომ ყავდა დატყვევებული ივანიშვილს სწორედ ნიკა. ვილაპარაკეთ უკრაინაზე, საქართველოზე და ჩვენს საერთო ტკივილზე – აფხაზეთზე.

მტერმა საკუთარი სახლებიდან დევნილებად გვაქცია, მაგრამ ჩვენ არასდროს ვტოვებთ სამშობლოს მტრის ხელში. ჩვენ არ ვნებდებით, ჩვენს მეხსიერებაში ყველაზე მკაფიოდ ჩვენი სახლების მისამართები ცოცხლობს.

ყველაფერი გამოვა, ყველაფერი კარგად იქნება!” – წერს ფეისბუქის საკუთარ გვერდზე დავით არახამია.

აღნიშნულ შეხვედრას ეხმაურება ნიკა გვარამიაც:

“პირველი ფოტო ახლად დაწყებულ თანამშრომლობაზეა, მეორე – ახლად დაწყებულ ძმაკაცობაზე🙂

დავით არახამია იმ იშვიათთაგანია, ვისთანაც ორივე ერთდროულადაა შესაძლებელი.

ps ორივენი რომ აფხაზეთიდან დევნილები ვართ, უმნიშვნელო არ აღმოჩნდა არც თანამშრომლობისთვის და არც ძმაკაცობისთვის🙂“, – წერს ფეისბუქის პირად გვერდზე ნიკა გვარამია.

თანამშრომლობის ფოტო

ძმაკაცობის ფოტო