“ჩვენს ქვეყანას აქვს უმნიშვნელოვანესი გამოწვევა, რომელიც უკავშირდება ევროკავშირის კანდიდატის სტატუსს – გაგვარუსებენ ბოლომდე თუ ვერ შეძლებენ” – ლევან ხაბეიშვილი

,,ერთიანი ნაციონალური მოძრაობის” თავმჯდომარე, ლევან ხაბეიშვილი ჟურნალისტებთან კომენტარში განმარტებებს აკეთებს ოპოზიციური სპექტრის სტრატეგიასა და მიმდინარე კონსულტაციებთან დაკავშირებით:

,,სრული სისულელეა ამაზე მსჯელობაც კი, რომ დღეს ვინმემ დაიწყოს პრემიერ-მინისტრობაზე, ან კანდიდატობაზე, ან მსგავს რაღაცებზე საუბარი და რატომ: – ჩვენს ქვეყანას აქვს უმნიშვნელოვანესი გამოწვევა, რომელიც უკავშირდება ევროკავშირის კანდიდატის სტატუსს – გაგვარუსებენ ბოლომდე თუ ვერ შეძლებენ.

ტყუილია და ეს ასე არ უნდა მიაწოდოთ საზოგადოებას, რომ პრემიერ-მინისტრობის კანდიდატობაზე მიდის კონსულტაციები. რაც შეეხება თანამშრომლობას და კონსულტაციებს, ცხადია, ეს დაწყებული გვაქვს. ვსაუბრობთ, გავაგრძელებთ ამ კონსულტაციებს.

ეს კონსულტაციები არ ეხება თანამდებობებს, არამედ ეხება საერთო სტრატეგიას ოპოზიციურ ველზე, ბრძოლის გეგმების და მიზნების განსაზღვრას“, – განაცხადა ლევან ხაბეიშვილმა.

ავტორი
ნინი ხიჯაკაძე