“ჩვენ გვყავს პრიგოჟინის იმედად მყოფი რადიკალური ოპოზიცია, რომელსაც ქვეყნის უსაფრთხოებაზე ძალიან ზედაპირული წარმოდგენა აქვს” – არჩილ თალაკვაძე

პარლამენტის თავმჯდომარის მოადგილე, არჩილ თალაკვაძე ჟურნალისტებთან კომენტარს აკეთებს რუსეთში მომხდარი დაპირისპირების ფონზე საქართველოს უსაფრთხოების საკითხზე და აცხადებს, რომ მმართველი პარტია არსებულ მდგომარეობას აკონტროლებს:

,,საქართველოს ხელისუფლება სრულად აკონტროლებს ქვეყნის შიგნით არსებულ ვითარებას და ასევე, ყოველთვის სწორ რეაგირებას ახდენს ქვეყნის გარეთ არსებულ რისკებთან დაკავშირებით.

კიდევ ერთხელ გამოჩნდა, რომ ჩვენ გვყავს პრიგოჟინის იმედად მყოფი რადიკალური ოპოზიცია, რომელსაც ქვეყნის უსაფრთხოებაზე ძალიან ზედაპირული წარმოდგენა აქვს. სინამდვილეში, მათ არ ესმით, რას ნიშნავს და როგორ ხდება ქვეყნის ეროვნული ინტერესებისა და უსაფრთხოების დაცვა“, – განაცხადა არჩილ თალაკვაძემ.

ავტორი
ნინი ხიჯაკაძე