პარტია ,,ქართული ოცნების” თავმჯდომარე, ირაკლი კობახიძე მწვავე შეფასებას აკეთებს პრეზიდენტ სალომე ზურაბიშვილის გადაწყვეტილებაზე ნიკა გვარამიას გათავისუფლებასთან დაკავშირებით:
,,შეწყალების ფაქტთან დაკავშირებით ჩვენ ვამბობდით, რომ იმედი გვქონდა, პრეზიდენტი ამას არ გააკეთებდა, ამ ნაბიჯს არ გადადგამდა. თუმცა, სამწუხაროდ, საქართველოს პრეზიდენტმა დაადასტურა, რომ ეთანხმება იმას, რასაც მასზე ნიკა გვარამია თავის დროზე ამბობდა. ეს არის ძალიან სამწუხარო მოვლენა.
რეალურად, მან დაადასტურა, რომ იზიარებს იმ შეფასებას, რომელსაც მის მიმართ აკეთებდა ნიკა გვარამია.
ფაქტიურად, ასეთი რაღაც მოხდა, რომ ერთ აგენტს შეაწყალებინეს მეორე აგენტი. ამით დასტურდება კიდევ ერთი რამ – არიან ძალები, რომლებსაც საქართველოში პოლარიზაციის გაღვივება სურთ. ეს არის ძალიან სამწუხარო მოვლენა.
პრეზიდენტმა ქართული საზოგადოება ღირსადაც კი არ ჩათვალა, რომ განემარტა მისი გადაწყვეტილების მიზეზები. რამდენიმე ევროპარლამენტარს ჰქონდა ინფორმაცია შეწყალებასთან დაკავშირებით. ანუ, საქართველოს პრეზიდენტი თავს თვლის ანგარიშვალდებულად არა ქართული საზოგადოების, არამედ ოდიოზური ევროპარლამენტარების და მათი პატრონების წინაშე. ეს მეტყველებს იმაზე, თუ ვისი კარნახით მოქმედებს საქართველოს პრეზინდეტი”, – განაცხადა ირაკლი კობახიძემ.
ავტორი
ნინი ხიჯაკაძე
