გუშინ პარლამენტში რუსული რუბლებით გამართულ აქცია-პერმომანსს, მწვავე შეფასებებით ეხმაურება და ორგანიზატორებთან დაკავშირებით კონკრეტულ განმარტებებს აკეთებს ფრაქცია ,,ქართული ოცნების” თავმჯდომარე, მამუკა მდინარაძე:
,,გუშინდელი პერფორმანსი იყო ელენე ხოშტარიას კომპლექსებიდან გამომდინარე. მეტი არაფერი. უკვე მთელი პასუხისმგებლობით შემიძლია ვთქვა. 2 ადამიანი იყო ამის შემოქმედი – ერთი თანმხლები პირი, ერთი თავად ქალბატონი. რა ფორმით და როგორ ისე, რომ შშმ ბავშვებს ყურებზე ხელის მიჭერა მოუწიათ. რა აკადრეს შშმ ბავშვებს და როგორ გამოიყენეს ისინი. ეს ცალკე საკითხია.
მეორე, ის ადამიანი, რომელიც მას ახლდა – რამდენიმე დღის წინ იყო პარლამენტის წინ კარვის გაშლის ერთ-ერთი ორგანიზატორი, თუ არ ვცდები ადმინისტრაციული წესითაც იყო დაკავებული, ვინმე ბეჟო. ეს ადამიანი 36 წლის ყოფილა, როგორც გავარკვიეთ, ე.წ. აღშფოთებული სტუდენტი, რომელიც 2 თუ 3 ადამიანთან ერთად ირაკლი კობახიძეს უნივერსიტეტში რუბლებით დახვდა. ეს ადამიანი იყო გუშინდელი პერფორმანსის მომწყობთან ერთად. იკრიბებიან რესტორან ,,ეზო“-ში, თუ არ ვცდები ასე ჰქვია, იქ იდგმება ეს უნიჭო სცენარები.
და ძალიან მარტივად იშიფრება, ,,ნაცებს“ რამდენიმე კლასტერი და ფრთა ჰყავთ. თავად ,,ნაცები“, ეტყობა გამოცდილება მეტი აქვთ, რაღაცას რომ დადგამენ ხოლმე სხვადასხვა ადამიანებს მაინც რთავენ. 3-4 დღე მოუნდები ადამიანი, იმის გაშიფრვას რომ ჩაუჯდე. ესენი ნახევარ საათში იშიფრებიან, დამწყები ექსტრემისტები და ფაშისტები არიან’’, – განაცხადა მამუკა მდინარაძემ.
ავტორი
ნინი ხიჯაკაძე
